الحلقة ٦: كيف بيكون امتحان القراءة في الآيلتس؟

مختصر الحلقة

هي الحلقة بتحكي عن جزء القراءة من امتحان الآيتلس بشكل عام، و بتتناول ٣ نقاط: توقيت الامتحان، أنواع الأسئلة اللي ممكن تجي امتحان القراءة، و أشياء مهمة تخليها في بالك مشان تضمن العلامة المطلوبة في الامتحان.

مرفقات الحلقة

متل ما حكينا في الفديو، امتحان القراءة في الآيلتس بيشمل ٣ فقرات بتتدرج بالصعوبة. لحتى يكون عندك تصور أكبر عن الامتحان، هادا مثال لامتحان reading كامل مأخود واحد من كتب التحضير للآيلتس: IELTS reading sample test

مع إنه على الأغلب ما رح تجي كل أنواع الأسئلة الـ ١١ في امتحان واحد، ضروري يكون عندك فهم كامل لكل الأنواع. هي أمثلة لكل نوع من أنواع الأسئلة:

  1. إجابات قصيرة
  2. تسمية أجزاء مخطط
  3. تعباية ملخص، جدول، أو ملاحظات
  4. تكملة فراغات جمل
  5. توصيل أجزاء الجمل
  6. توصيل المعلومات بالفقرات
  7. توصيل العناوين بالفقرات
  8. توصيل المعلومات
  9. نعم، لا، غير متوفر (رأي الكاتب)
  10. صح، خطأ، غير متوفر (معلومات)
  11. اختيار متعدد

رح نتناول كل سؤال بشكل مفصل في حلقات جاية، لكن لحتى هداك الوقت بيساعدك من هلأ تعود حالك على القراءة بالإنجليزي لفترة طويلة. كتير طلاب بيواجهوا صعوبة في التركيز بالنصوص بعد خمسة أو عشرة دقايق لأنه ما معودين حالن على القراءة بالإنجيلزي لفترة طويلة.

هي المواقع بتشمل مقالات و قراءات شبيهة بالقراءات اللي ممكن تجي في الآيلتس:

ابدأ بالتدريج. وتصفح المواضيع المختلفة من فوق، لأنه كله ممكن يجي في الآيلتس. شي طبيعي جدا إنه تمل من أول فقرة و تحس إنه عم يحكوا لغة من المريخ، لكن مع التدريب، رح يصير أسهل عليك. وحاول كمان إنك تلاقي معاني الكلمات الجديدة وتكتبها في دفتر لحتى تضل تراجعها.

شارك الحلقة

تصنيف الحلقة

مهارات الحلقة